4-3-3 ስፖርት በኢትዮጵያ

“ ፍፁም ቅጣት ምቱ ቀላል ነገር ነበር ” የኒውካስል ዩናይትዱ አሰልጣኝ ማቲያስ ጄስሌ ቡድናቸው ዛሬ እድል አብራው እንዳልነበረች ተናግረዋል። “ መጥፎ እድል ነበር ” ያሉት አሰልጣኙ “ ቡድኑ ዛሬ ድንቅ ነበር ነገርግን መጨረሻው ከባድ ነበር “ ሲሉ ገልጸዋል። ስለ ፍፁም ቅጣት ምቱ ያነሱት አሰልጣኙ “ የተፈጠረው በጣም ቀላል ነገር ነበር ” ብለዋል። አክለውም “ ይሄ ሁኔታ ካሰጠ ወደፊት ብዙ ፍፁም ቅጣት ምት መስጠት አለባችሁ ግን ጥሩ አይደለም ” ሲሉ ተደምጠዋል። “ ቡድኑ ዛሬ ምርጥ ነገር አድርጓል ነገር ግን የተወሰኑ ተጨዋቾች ማስፈረም አለብን ” ጨምረው ተናግረዋል።

የቪንሰስ ጁኒየር የሪያል ማድሪድ ሁኔታ ? ሪያል ማድሪድ እና ቪንሰስ ጁኒየር በአሁኑ ሰዓት በአዲስ ውል ዙሪያ መስማማት እንዳልቻሉ ተገልጿል። የስምምነቱ ትልቅ ችግር የምስል መብት እና የፊርማ ጉርሻ ገንዘብ ዙሪያ መሆኑን ለተጨዋቹ ቅርብ የሆኑ ምንጮች ዘግበዋል። አሰልጣኝ ጆዜ ሞሪንሆ ከቪንሰስ ጁኒየር ጋር በቀጥታ ለበርካታ ጊዜያት መነጋገራቸው ተገልጿል። ጆዜ ሞሪንሆ ቪንሰስ ጁኒየር አስፈላጊ መሆኑን ለራሱ በቀጥታ መንገራቸው ተዘግቧል። ይሁን እንጂ ሪያል ማድሪድ ከስምምነት ካልተደረሰ ሌላ ትልቅ የአውሮፓ ክለብ ወደ ፉክክሩ ይገባል የሚል እምነት አለው ተብሏል። ሎስ ብላንኮዎቹ ቪንሰስ ላይ ፍላጎት ያለው አርሰናል ብቻ ነው የሚል እምነት እንደሌላቸው ተዘግቧል። አርሰናል በበኩሉ የተጫዋቹን የኮንትራት ሁኔታ በቅርበት እየተከታተለ እንደሚገኝ ተዘግቧል።