ስነፅሁፍ በወንጌል - Gospel Literature

1️⃣ GB ስንት MB ነው ❓

ቅኒቱ ክፍል አስር ✍ኤደን አንድሬ ከጀርባቸው የሆነ ነገር ሲወድቅ ተሰማቸው ... በድንጋጤ ወደ ኃላቸው ዞሩ የጎሳው መሪ ነበር ብርቁ ድርቅ ብሎ ቀረ ምህረት ደንግጣለች ወማ የሸፋፈነውን ጋቢ ከጎሳው መሪ ፊት እያነሳ ወደ ብርቁና ምህረት ዞረ።"ምን ቆማቹ ታያላቹ ሄዳቹ ትልቅ ሰው ጥሩ ሂዱ እንጂ!"አንባረቀባቸው ብርቁ የመንቀሳቀስ ሀሳብ የለውም ምህረት ግን ወደ መንደሩ ሮጠች።ወማ ከጎሳው መሪ አፍና አፍንጫ ሚወጣውን ደም በለበሰው ጋቢ ይጠርግለታል ብርቁ ግን በመደንገጡ ሰውነቱ ይንዘፈዘፋል ፊቱ በላብ ተጠምቋል ።"ብርቁ ሂድና ውሃ አምጣ ሂድ!"ብርቁ አሁንም እንደደነዘዘ ነው።ምህረት ሶስት ሰዎችን አስከትላ መጣች።"ምን ሆኖ ነው?" "ወደ ቤት እናስገባው ያዙት"ወማ ለተጠየቀው ጥያቄ ምንም አይነት ምላሽ አልሰጠም።ሰዎቹ በመጡት ፍጥነት ይዘውት ወደ ጎጆ ቤቱ ገቡ።ብርቁን ወማ ነቅነቅ ሲያረገው ወደ ቀልቡ ተመለሰ አሁንም ግን እየተርበተበተ ነው። "ወማ ምንድነው ምናረገው እእእ ሰውየው ከሞተ እኛንም ይገሉናል በቃ እንጥፋ" "እንዴ ተረጋጋ እንጂ ብርቁ ምንም አልሆነም ደግሞ አይሆንም እሺ እራስህን አረጋጋ"ሰዎቹን ተከትሎ ወደ ቤት ገባ። ምህረት ደሙን ለማስቆም መሞከሯን አቆመችና ወደ ወደ ወማ ዞረች።"ደም ግፊቱ ከፍ ብሏል ፈጠን ብለህ ፍፁምን ጥራው ሩጥ!" ወማ ሳያስጨርሳት ፍፁም ወዳለበት ጎጆ ሮጠ።ፍፁምና ቅኒቱ የጦፈ ወሬ ይዘዋል የወማ መቶ በሩን መክፈት ወሬያቸውን ገታው።"ፍፁም የጎሳው መሪ አሟቸዋል ምህረት ቶሎ ና ብላሃለች" ፍፁም ጊዜ ሳያባክን ወደ ተባለበት ቦታ ወማን ተከትሎ ሮጠ ቅኒቱም ህመሙን ቻል አድርጎ ተከተላቸው ሲደርሱ ደሙ ቆሟል።"ደም ግፊቱ ጨምሯል መድሃኒት ላምጣ" ወደ ማደሪያው ጎጆ ከመሄዱ በፊት ከሽማግሌዎቹ መሃል አንደኛው አስቆመው።"ምነው ጋሼ ልሂድበት ህክምና በአፋጣኝ ካላገኙ ሊሞቱ ይችላል!" ሽማግሌው ረጋ ብሎ ሊያድነው ሚችለው የቃልኪዳን ልጅ ቅኒቱ ብቻ ነው ከተፈጩ ቅጠላቅጠሎችና ከህፃናት ደም በተዘረጀ ድግምት ሙሉ ሰውነቱን ይቀባውና ለብ ባለ ውሃ ገላውን ያጥበዋል ከዛ ይፈወሳል" ምህረት ብግን ብላ ተናደደች።"ከወዲሁ ህክምና ካገኘ ሊሞት ይችላል እኮ ነው ያለው ቢተርፍ እንኳን ሙሉ ሰውነቱን ማንቀሳቀስ አይችልም!" ሽማግሌው ምላሽ አልሰጣትም ይልቅ በቀዘቀዘ አስተያየት አያትና ብርቁን ሄዶ ቅኒቱን እንዲያመጣው አዘዘው ብርቁ ክፍሉ ውስጥ ያለው ውጥረት አሰልችቶት ነበርና ተፈትልኮ ወጣ። ፍፁም ሀሳባቸው ስላልገባው ባለበት ቁጢጥ አለ።ምህረትም የጎሳውን መሪ እጅ እንደያዘች ፈጣለች። ብርቁ መንገድ ላይ ቅኒቱን አገኘው።"ፍጥነት ድረስ አንተን እየጠበቁህ ነው!" "የት ናቸው እነሱ?" "በታችኛው በኩል የጋሽ ኦላኒ ጎጆ ቤት ውስጥ " ወደ ፊት መሄዱን አላቆመም። "እሺ አንተ ወዴት ነህ?"ቆም ብሎ ቅኒቱ ጠየቀው። "ወደ መንደሩ ሰዎች ምን እንደተፈጠረ እስካሁን አላወቁም ልንገራቸው" ፍጥነቱን ጨምሮ ሮጠ። ቅኒቱ ወደ ጎጆ ቤት ሲገባ ሁሉም ሰው በተስፋ ተመለከተው ሽማግሌውን ሚያነሳው እሱ ይመስል ሁሉም ምን እናድርግ በሚል አይን ያዩታል ቅኒቱ አይን ሲበዛበት ሚያረገው ጠፋበት ያ የፈረስ ቅርፅ ያለው መጣ ቅኒቱ መቶ ስለማያቅ ተገርሟል።"ዛሬ ደግሞ ከየት ተገኘህ?"ፈገግ ብሎ እያየው።የፈረስ ቅርፅ ያለው ግን ወደ ሰዎቹ እያየ።"ካንተ በቀር እኮ ለሌላ ሰው አልታይም ስለዛ እንዲወጡ ንገራቸው"ቅኒቱ ወደ ሰዎቹ ሲያይ ከመንደሩ ሰዎች በቀር ሁሉም በፍርሃት ነበር ሲያየው የነበረው ሽማግሌው ኦላኒ እንዲወጡ አዘዛቸውና ሁሉም ተከታትለው ወጡ አሁን በጎጆ ቤቱ ውስጥ የጎሳው መሪ፤ቅኒቱና መንፈሱ ቀሩ። "እእእ ለጥያቄህ መልስ በዙሪያህ ነበርኩ እንዳልታይህ ሀላሌ አዞኝ ነው" "ለምን?"ቅኒቱ በጥርጣሬ ጠየቀው። "ሀላሌ እስኪወርድብህ ድረስ ነበር አሁን የመጣሁት መፍትሄ ልሰጥህ ነው" "እእእ ምን አይነት መፍትሄ?" ወማ ጆሮውን በግድግዳው ላይ አጣብቆ አይኑን በጭራሮው መሃል ብቻውን ወደ ሚያወራው ቅኒቱ እያየ ነው ። "ይሄንን ሽማግሌ ለማዳን ያለህ አማራጭ አንድ ነው ከሃላሌ ጋር ያለህን ቃል ኪዳን ማፍረስ ህይወትህን መስዋት ማድረግ" "ማለት ልሞት ነው?" "አይይ በተደገሙ ነገሮች ማዳን ካልቻልክ ቃል ኪዳንህን አፍርሰህ ታድነውና ተራ ሰው ትሆናለህ" "አለዚያስ?" "አለዚያማ ይሄንን ያረጀ ሽማግሌ ትገለውና ስልጣኑን ለብቻህን ታገኛለህ" ቅኒቱ ደነገጠ ወማ የሃላሌ አምላክነት የውሸት መሆኑን አሁን እየተረዳው ነው ።"ቆይ ቆይ የፍቅር አምላክ ስም ሀይል ስላለው አይደል ሁሉም ሚዘረሩት??" ✍በኤደን አንድሬ ይቀጥላል